ന്യൂഡൽഹി: സവർക്കർ പുരസ്കാരം ശശി തരൂർ ഏറ്റുവാങ്ങുന്നതിൽ കോൺഗ്രസിന്റെ എതിർപ്പ് ശക്തമായതോടെ പുരസ്ക്കാരം ഏറ്റുവാങ്ങില്ലെന്ന് തരൂരിന്റെ ഓഫീസ്. മറ്റൊരു പരിപാടിയിൽ പങ്കെടുക്കാനായി തരൂർ കൊൽക്കത്തയിലേക്കു പോയി.
പാർട്ടിയോട് ആലോചിക്കാതെയാണ് തരൂർ അവാർഡ് വാങ്ങാൻ തയാറായതെന്നാണ് കോൺഗ്രസ് നിലപാട്. എന്നാൽ അവാർഡ് ദാനത്തിന് തരൂർ എത്തുമെന്ന് ഉറപ്പ് നൽകിയിട്ടുണ്ടെന്ന് സംഘാടകർ പ്രതികരിച്ചു.
എച്ച്ആർഡിഎസ് ഇന്ത്യ സംഘടിപ്പിക്കുന്ന പരിപാടിയിൽ രാജ്നാഥ് സിംഗാണ് പുരസ്ക്കാരങ്ങൾ സമ്മാനിക്കുക. തരൂരിന്റെ പ്രതികരണത്തിനായി മാധ്യമങ്ങൾ വീട്ടിലെത്തിയെങ്കിലും തരൂർ പ്രതികരിച്ചില്ല. പിന്നീട് ഓഫീസ് ആണ് നിലപാട് അറിയിച്ചത്.
